Calvos de Randín rexistra a temperatura máis baixa de Galicia con -9,3º

A localidade de Calvos de Randín (Ourense) rexistrou na madrugada deste luns a temperatura máis baixa de Galicia no que vai de ano, con -9,3 graos. Así o confirmaron  fontes de MeteoGalicia, que precisaron que na madrugada deste luns se rexistraron en moitos puntos de Galicia as temperaturas mínimas do ano 2014.

Segundo os rexistros de MeteoGalicia, as mínimas máis baixas corresponderon ao Sur da provincia de Ourense, destacando con -9,3 graos Calvos de Randín.

Ademais, os termómetros descenderon ata os -8,2 graos na localidade ourensana de Baltar e aos -7,4 graos na zona de montaña de Cabeza de Manzaneda.