Val do Dubra destina 268.000 euros de remanente a amortizar débeda e a novas infraestruturas

O Concello de Val do Dubra destinará unha parte do remanente que figura nas arcas municipais a afrontar novos investimentos sustentables que permitan mellorar a prestación de servizos aos veciños e a amortizar débeda. Na sede do Concello de Val do Dubra tivo lugar hoxe un pleno extraordinario que abordou este asunto e que contou co respaldo do voto de todos os grupos. “A saúde financieira do Concello e o seu seneamento permítenos acometer estes proxectos”, destacou o alcalde de Val do Dubra, Ramón Varela.

O principal punto da orde do día no pleno extraordinario foi o “expediente de modificación de créditos”. O exercicio orzamentario municipal de 2013 liquidouse cun remanente de tesouraría positivo por un importe de case 524.000 euros. A corporación municipal acordou hoxe, en base a este remanente, amortizar un préstamo por importe de 150.000 euros. “Continuamos coa política de redución de custos financieiros e mantemos ou nivel de prestación de servizos aos nosos veciños e veciñas”, apuntou o alcalde de Val do Dubra.

Ademais da amortización desa débeda, o Concello de Val do Dubra afronta unha serie de infraestruturas que se executarán nos próximos meses. O investimento destes proxectos alcalzou os 118.00 euros, que sumados aos 150.000 euros amortizados, supoñen un total de 268.000 euros, cantidade que representa pouco máis do 50% do remanente do Concello de Val do Dubra, que segue contando nas súas arcas cun saldo positivo duns 256.000 euros.

O pleno extraordinario aprobou este único punto co respaldo de todos os grupos _PP (6), non adscritos-Anova (4) e PSOE (1)_. A oposición, tras o seu voto positivo, puntualizou estar en contra do proxecto de acondicionamento e rehabilitación do Campo da Festa de Arabaxo. Nesa localidade, e próximo ao Iglesario, acondicionarase unha zona para usos múltiples e goce dos veciños. Este proxecto debe axustarse a unhas determinadas condicións por estar próximo á contorna da Igrexa. O investimento destinado a este proxecto suma 68.000 euros. As demais obras previstas son a pavimentación dun camiño en Maxais (Coucieiro), que require un investimento de 9.218 euros; e a construción dun muro na rúa Rueiro de Portomouro, que precisa dun investimento de 24.000 euros. Tamén se inclúe a achega que o Concello de Val do Dubra debe facer para completar unha subvención do Inega que servirá para a renovación da iluminación pública no municipio. Esta cantidade é de 17.000 euros.

O alcalde do Concello de Val do Dubra destacou a “saúde financieira” que vive o municipio. E asegurou que a politíca de austeridade imposta nos últimos anos permite agora “ter certo marxen de manobra para mellorar as condicións de vida dúas veciños e veciñas”. Aínda que tamén advirte que o Concello que el xestiona seguirá na seda “do control e ben facer”  orzamentario. Esta decisión apoiada pola totalidade do pleno é tamén posible grazas a que o Concello de Val do Dubra cumpre os requisitos fixados pola Lei Orgánica de Estabilidade Orzamentaria e Sustentabilidade Financeira: ausencia de déficit, cumprimento do período de pago aos provedores e destino do remanente a amortización de débeda ou a investimentos sustentables.

Ramón Varela destacou tamén que o saneamento das arcas municipais permitiu ao Concello de Val do Dubra rebaixar o Imposto de Bens Inmobles (IBI) para este ano nun 20%. A diminución de ingresos municipais pola posta en marcha desta medida suporá uns 80.000 euros.