Un operario resultou ferido en Covelo ao precipitarse dunha estada

Un traballador foi evacuado na mañá deste xoves en helicóptero a un centro hospitalario tras precipitarse dunha estada no termo municipal de Covelo (Pontevedra).

Segundo informou o 112, o accidente tivo lugar sobre as 11,00 horas mentres o operario realizada o seu traballo nunha casa situado no lugar das Tuzas, no municipio de Covelo.

Tras recibir o aviso, o CAE 112 Galicia solicitou a intervención dos axentes da Garda Civil de Pontevedra, mentres que Urxencias Sanitarias xa tiña constancia do suceso no que resultou ferido o home L.F.S.S., de 45 anos.

Debido á importancia das lesións do operario, segundo precisou o 112, requiriuse a presenza dun helicóptero medicalizado que trasladou ao ferido até o Aeroporto de Peinador, onde o esperaba unha ambulancia do 061 que o levou ao Hospital Xeral de Vigo.