Támara e Berta acadan a prata no Intergaláctico de Brasil a un punto do ouro

Támara Echegoyen e Berta Betanzos (Movistar) RCN Sanxenxo/RCM Santander, ascenden da cuarta á segunda praza do FX no Intergaláctico de Brasil, tras unha brillante segunda xornada na que nas tres mangas disputadas, non se apearon en ningunha delas de postos de podio parciais.

Echegoyen e Betanzos rexistraron un segundo e dous terceiros, o que lles achega un saldo de 16 puntos netos, a un tan só das líderes que son as neozelandesas Alexandra Maloney e Melly Meech, en detrimento das danesas Jena Mai Hansen e Katja Salskou-Iversen, que agora son terceiras con 20 puntos.

A Paz tamén experimentan unha boa progresión no 49er Masculino. Carlos e Antón (Deporte Galego-Dip. Pontevedra-Zhik-Cousin) do Liceo Casino de Vilagarcía, soben catro postos, desde a décimo sexta praza, ao duodécimo lugar da xeral, con 53 puntos, marcándose un primeiro na segunda manga do día. No caso dos asturianos Federico e Arturo (O Gaiteiro) do Real Club Astur de Regatas, baixan un posto, do sétimo ao oitavo, con 39 puntos, sendo o seu mellor parcial neste segundo día da regata, un quinto na última proba, das tres disputadas. A mando seguen os neozelandeses Peter Burling e Blair Tuke, con 5 puntos.