Segunda semana de presentacións na misión C.R.D.O. Ribeiro en Porto Rico
Porto Rico, un dos países mais importantes do mundo en consumo de viño, degustou os viños das bodegas VIÑA COSTEIRA, ALANÍS, TERRA DO CASTELO, FINCA VIÑOA, CASAL DE ARMÁN e RAMÓN DO CASAR, sorprendendo gratamente pola alta calidade dos viños de esta Denominación de Orixe, e destacando os importadores e distribuidores convocados as súas composicións, con uvas autóctonas da rexión, tanto nos seus mono varietais Treixadura, Godello ou Albariño, como nas súas mesturas tradicionais, buscando a redondez e complexidade aromática unindo as valoradas variedades de Loureira, Lado, e Torrontés. Houbo tamén espazo para causar impacto con algún dos tintos do Ribeiro, e mais o viño Tostado do Ribeiro, un viño que pola súa exclusividade, calidades organolépticas e de produción, é moi valorado en todo o mundo.
Tres intensas xornadas, onde as bodegas tomaron todo o protagonismo, mostrando os seus viños con D.O. Ribeiro; a súa gran calidade, complexidade e elegancia, marabillaron aos representantes do sector profesional asistente; importadores, distribuidores, e prensa especializada. Os representantes das bodegas comprobaron persoalmente, como os seus viños superaron todas as expectativas, provocando alto interese entre os importadores que se mostraron dispostos a enriquecer os seus portfolios cos viños da D.O. Ribeiro que foron presentados. Una intensa axenda de entrevistas levada a cabo polo Presidente e o xerente do C.R.D.O. Ribeiro, D. Miguel Ángel Viso y D. Roberto Goñi, a semana previa, deu os seus froitos, e ata 150 profesionais do sector asistiron a comprobar a calidade, historia e diferenciación dos viños da D.O. más antiga de Galicia, no Salón Ocean View, do Hotel San Juan Beach, da capital portorriqueña, onde levouse a cabo a devandita presentación.
Por parte do C.R.D.O. Ribeiro, valorouse a experiencia como moi positiva, xa que coa axuda da Cámara Oficial de Comercio de España en Porto Rico, e dous meses de traballos previos, convocouse, e recibíronse as visitas de todos os actores principais do mercado de negocios do viño en este país, ademais de manter reunións cos medios, e outros actores importantes do mundo económico e social portorriqueño. Pola importancia estratéxica de este mercado, e o seu alto nivel de cultura vitivinícola, o Consello Regulador considera manter a estratexia de éxito en este mercado grazas ao IGAPE, apostando forte pola introdución da marca Ribeiro nun mercado que será eixe inicial da estratexia de desenvolvemento para Caribe, Centro América e mais Estados Unidos. As próximas accións, xa en 2015, desenvolveranse en xaneiro, abril e xuño como ampliación a xa iniciada campaña, e con o obxectivo de consolidar os acordos de importación e distribución.