Deteñen a dous veciños de Moaña como supostos autores dun delito contra a saúde pública

Dentro do marco das actuacións que a Garda Civil vén realizando para a erradicación da venda de estupefacientes a pequena escala nos lugares de lecer, o pasado día 12 do actual, procedeuse á detención da M.C.A., de 34 anos de idade e a JI.O.L., de 41, ambos os veciños de Moaña, como supostos autores dun delito por tenencia e venda de drogas nos distintos lugares de lecer das localidades de Cangas e Moaña.

Estas detencións son froito das investigacións que, compoñentes do Posto da Garda Civil de Cangas e Moaña, viñan realizando.

Os detidos, que contan con antecedentes policiais, foron conducidos ás dependencias oficiais para a instrución das correspondentes dilixencias, que se cumprimentaron coa realización dun rexistro no domicilio dos mesmos onde se incautaron 5 quilogramos de hachis e otos 5 de resina de haxix, 180 gramos de Cocaína, 5 gramos de heroína, máis de 5 quilogramos de MDA e pastillas de éxtases, ademais de 7550 euros en metálico e numerosos efectos, instrumentos e útiles para a elaboración e preparación para a súa venda das sustancias intervidas.

Os detidos, xunto coas dilixencias instruídas e os efectos incautados, serán postos a disposición do Xulgado de Instrución número UN de Cangas do Morrazo.