publicidade hoxe
Publicidade
omeulibro1

A biblioteca de Sober celebra este mes as ‘Merendas Violetas’

PUBLICADO EN: Noticias de GaliciaSober
A-
A+

A Biblioteca Municipal do Concello de Sober celebra este mes as ‘Merendas Violetas’ coas que conmemora o mes da igualdade. As actividades desenvolveranse o venres día 14, o venres día 21 e o martes día 25. As actividades enmárcanse no ciclo anual de accións que figuran no Plan para a Igualdade de Oportunidades Municipal (PIOM).

O venres día 14 a partir das 17:30 horas haberá unha sesión de contacontos. De seguido farase un obradoiro de cociña saudable no que os participantes elaborarán unha brocheta creativa con froitas de diversas formas.

O venres día 21 a actividade xirará arredor de xogos do mundo. Os nenos e nenas farán xogos tradicionais e típicos dos cincos continentes.

O martes día 21 a actividade trasládanse ao CEIP Virxe do Carme onde os alumnos e alumnas participarán nunha xincana para traballar a igualdade de oportunidades.

A través de todas estas actividades o Goberno local pretende promover e concienciar sobre a igualdade de xénero, de razas e de oportunidades entre os nenos e nenas de Sober.

13 de novembro de 2014 | 12:20 • Sen comentarios

Comentarios pechados.