O Goberno de Cotobade implantará medidas de transparencia sobre a xestión municipal

O Goberno Municipal de Cotobade implantará medidas de transparencia na xestión local mediante a publicación de datos económicos e administrativos na web municipal.

O obxectivo da medida é cumprir cos principios de bo goberno e servizo á cidadanía, transmitindo a información necesaria para coñecer como se xestionan os recursos que son de todos.

Entre os datos a publicar estarán os relativos ao cumprimento da estabilidade orzamentaria, a media de días no pagamento de facturas, actas de plenos, subvencións concedidas, o presuposto municipal…

Asemade, o Portal Web do Concello de Cotobade xa imprantou fai dez dçias un enlace de soporte para formalizar cuestións directamente ao rexedor local, Jorge Cubela, “O Alcalde Responde”, que xa tramitou 9 preguntas directas ao Alcalde.

“Un dos piares fundamentais deste equipo de Goberno é o de estar preto da xente, dos nosos veciños, polo que pensamos que esta medida valerá para que outros posibles gobernos municipais tomen nota e non haxa volta atrás”. “A transparencia vén para quedarse na vida política e as prácticas da vella política xa pertencen ó pasado”. Esto é parte da rexeneración que os cidadáns, en quenes reside a soberanía, demandan aos seus representantes.