O espectáculo “Tempo escuro” represéntase no Centro Social de Muxía

Mañá venres, 24 de outubro ás 20:00 h, chega a Muxía o Tempo Escuro de Paco Souto, Rosalía Fernández Rial, Serxio Moreira e Peter Schneider. O espectáculo farase no Edificio de Servizos Múltiples , no Centro Social ( planta baixa).

Tempo Escuro é un espectáculo que ten como punto de partida as fotografías de Peter Schneider e a súa reflexión sobre a materia, as texturas e a dualidade figurativo/abstracto: un xogo de sombras.

As voces de Rosalía Fernández Rial e Paco Souto teñen un papel preponderante con riqueza de matices que van dende o máis íntimo dos poemas ditos na orella do espectador ao ruído case incomunicativo de varios textos berrados á vez. E todo envolto nunha música de Serxio Moreira recurrente e obsesiva que integra o conxunto e acolle ao espectador no seu seo.

Espectáculo para tódolos públicos e entrada libre.