Lucas Bolo proclámase campión da Copa Continental con Arxentina
Arxentina proclamouse campioa da Copa Continental de Kuwait ao vencer 6-2 na final a República Checa. Lucas Bolo, internacional coa albiceleste, xogou uns minutos no encontro de onte e participou na vitoria da súa selección.
Os goles de Leandro Cuzzolino (2), Gerardo Battistoni, Alamiro Vaporaki, Constantino Vaporaki e o capitán Leandro Wilhelm, deron á selección arxentina o quinto título da súa historia, segundo na etapa do seleccionador Diego Giustozzi.
O xogador do Santiago Futsal Lucas Bolo regresa hoxe a Santiago de Compostela, e á tarde exercitarase co equipo de face ao encontro deste venres fronte ao Levante UD DM.