Víctor Pérez protagoniza o I Clínic Básket Ribadulla
O adestrador axudante do Rio Natura Monbus Obradoiro, Víctor Pérez, impartirá o próximo 5 de outubro o I Clínic Básket Ribadulla, no pavillón municipal da localidade de Vedra.
O técnico titula a súa conferencia “Filosofía e metodoloxía do contraataque” e terá de 18.00 a 21.00 horas para compartir os seus ensinos cos adestradores asistentes como público, xa que o clínic está incluído no programa de formación de adestradores galegos de diferentes categorías.
Todos os interesados en asistir que aínda non se anotasen deberán ingresar antes do mércores 1 de outubro a matrícula de 5 euros en cóntaa BBVA: 0182 5498 60 0201539789. No concepto deberán especificar nome, apelidos e club de procedencia.