Dous xóvenes de O Barco son detidos nunha operación contra o tráfico de drogas

Material incautado

O Equipo de Policía Xudicial de O Barco da Garda Civil detiveron a J.G.S., de 29 anos, e a S.S.F., de 21 anos de idade, ambos veciños de O Barco, como presuntos autores dun delito contra a saúde pública por tráfico de drogas.

Segundo informou o Instituto Armado, a ‘Operación Sacras’ iniciouse o pasado mes de xullo, tras ter coñecemento dun punto de venda de droga na estación de ferrocarril de O Barco.

Despois de realizar varias investigacións, o pasado día 15, a Garda Civil interceptou un vehículo no que circulaban os dous detidos, e tras realizar un rexistro, localizáronse 330 gramos de cannabis sativa, escondida debaixo do asento do condutor e envasada en bolsas ao baleiro, posiblemente destinada á venda polo miúdo.

As mesmas fontes concretaron que foi ás 23,00 horas do día 15 de setembro cando foron arrestados ambos os individuos por un delito de tráfico de drogas.

REXISTRO

No marco da operación levou a cabo un rexistro no seu domicilio, onde se incautaron 30 gramos de heroína, e 40 gramos de cocaína, todo preparado en bolsas para a súa venda, así como 18 teléfonos móbiles, unha pistola de aire comprimido, diñeiro en efectivo e básculas de precisión.

A operación, segundo sinalou a Garda Civil, continúa aberta e as dilixencias foron remitidas ao Xulgado de Instrución Número 2 do Barco de Valdeorras.