A Policía Local de Ferrol informa das limitacións de aparcamento por pintados e sinalizacións viarias
A Xefatura da Policía Local de Ferrol informou esta mañá sobre as rúas do centro da cidade que verán restrinxido o seu estacionamento durante as xornadas de mañá mércores e pasadomañá xoves con motivo dos traballos de pintado e sinalización viaria previos á implantación da nova Ordenanza de Regulación do Estacionamento (O.R.E). A planificación realizada polo corpo de seguridade municipal está suxeita a cambios en función das necesidades operativas e das condicións climatolóxicas.
Así as cousas, e segundo o calendario de actuación facilitado esta maña pola Policía Local, na xornada de mañá mércores, día 1 de outubro, haberá restricións de estacionamento nas seguintes rúas: Españoleto con Velázquez, San Amaro, Pardo Baixo, un tramo da rúa Irmandiños con Cantón de Molins así como da rúa Lugo con Praza do Callao.
En canto á xornada de pasado mañá, xoves día 2, as previsións de traballos de pintado e sinalización viaria afectará ao estacionamento en:
– rúa A Coruña, os tramos comprendidos entre Doutor Fleming e Pardiñas, e entre as rúas Sol e Igrexa.
– rúa María, entre A Coruña e Terra.
– rúa Magdalena, o tramo entre as rúas Coruña e Rubalcava.
– rúa Real, dende a rúa Terra a Rubalcava.
– rúa Igrexa, entre Concepción Arenal e Rubalcava.
– rúas Concepción Arenal e Terra, no treito entre as rúas Sol e Igrexa.
– E rúa Concepción Arenal, entre Sol e Doutor Fleming. Concretamente, no tramo de estacionamento situado fronte ao Centro Cultural Torrente Ballester.
Dende a Xefatura da Policía Local de Ferrol insístese en que a planificación relatada está suxeita a posibles cambios en función das necesidades do servizo e das condicións climáticas. Así mesmo, sinálase que o estacionamento en superficie nas zonas afectadas pola actuación se irá reestablecendo conforme se vaia completando o pintado.