O Santiago Futsal disputará dous amigables esta semana

O Santiago Futsal deu inicio xa á súa terceira semana de adestramentos coa mirada posta no amigable de mañá contra o Azkar Lugo. O encontro será o primeiro partido ante un rival de igual categoría e servirá para seguir sacando conclusións de face á posta a punto do equipo para o inicio de tempada. A semana pecharase o venres co terceiro amigable de pretemporada en Vigo contra un combinando entre o Vigo 2015, club con convenio co Santiago Futsal, e os Talleres ABC.

Para estes partidos Santi Valladares non poderá contar con Marci, que segue arrastrando molestias musculares que lle impiden traballar co resto do grupo. Tampouco estará Cillo, que finalmente non xogará no Santiago Futsal tras estar a proba durante toda a semana pasada.

Planificación da semana:

Martes 19 de agosto:

20h – PM de Melide – Azkar Lugo vs Santiago Futsal

Venres 22 de agosto:

20.30h – Pavillón de Navia (Vigo) – Talleres ABC/Vigo2015 vs Santiago Futsal