O PP tacha de mentiras mal intencionadas as denuncias do PSOE sobre a contratación no Concello da Coruña

O PP da Coruña cualificou este xoves de “mentiras malintencionadas” as denuncias do PSOE municipal sobre a contratación de “afíns” aos populares no Consistorio herculino.

   A través dun comunicado, lamentou que a portavoz municipal socialista, Mar Barcón, “siga coa súa política de mentir para confundir aos coruñeses”. “Pedímoslle que deixe de lanzar acusacións como estas, que non só non se sosteñen, senón que, como noutros tantos casos, son puras mentiras malintencionadas”, remarcou.

   Respecto diso, o PP apuntou que “a selección dese persoal está a realizarse polo procedemento legal, o mesmo que usaron os gobernos socialistas durante 28 longos anos”. “Despois de tantos anos, parece estraño que Barcón non se acorde como asinaban eles aos seus xefes de servizos”, sentenciou.

   Por outra banda, sobre as novas contratacións no Consistorio, afirma que a estas persoas seleccionoullas “polo procedemento de libre designación, do mesmo xeito que no resto de administracións para estes casos”.