O Porriño rexistra a menor cifra de desemprego desde novembro de 2011

Os datos publicados en referencia ao pasado mes de Xullo arroxan cifras moi positivas para o noso municipio que rexistra a menor cifra de persoas desempregadas desde Novembro de 2011. As diversas iniciativas en materia de emprego e formación postas en marcha desde o Concello de Porriño continúan dando os seus froitos e é que o municipio rexistrou un descenso consecutivo do paro nos últimos catro meses, con máis de 300 desempregados menos que no mes de Marzo.

O alcalde de Porriño, Nelson Santos, quen sempre sinalou a xeración de emprego como a máxima prioridade do Goberno Local, valora moi positivamente estes datos “pois supoñen unha melloría paulatina e constante do mercado de traballo no noso municipio. Desde o Concello de Porriño seguiremos dirixindo todos os nosos esforzos á xeración e fomento do emprego, como até agora fixemos”.