As festas de Carballedo acollen as actividades finais do Verán Cultural de Cotobade

O Alcalde do Concello de Cotobade presenta o programa de actividades culturais, que completarán a programación das Festas de San Roque.

Como xa ven sendo habitual o sábado de San Roque celebrase o día do neno, neste día os mais cativos terán o seu particular fin de festa clausurando deste xeito a intensa tempada de campamentos, obradoiros e campus que organizou o Concello este ano.

Este sábado, a partir das 16:00 horas disfrutarán de inchables, pistas de rodas, inchables con auga e para os mais maiores unha tirolina e un rocódromo, remataremos a festa con escuma para completar a xa tradicional despedida.

Seguidamente o Grupo de Gaitas Catro Ventos, celebra o Festival Folclorico de San Roque ao remate das actividades, aproximadamente entre as 20:30 /21:00 horas do sábado.

Seguimos animando a Festa do domingo coa actuación na praza do Concello do Mago Teto, o televisivo mago amosará o seu espectáculo “ Perto de Ti•, ás 20:00 da tarde.

Non podemos esquecer de completar a programación co luns de San Roque onde a Compañía Talia Teatro ás 20:00 horas actuará na praza do Concello coa obra “Bicos con Lingua”.

Están convocados todos os vecinos e visitantes a disfrutar das festas de Carballedo, e das actividades gratuitas que ofrece o Concello.