Anova da Coruña mostra a súa sintonía co movemento Marea Atlántica

A coordinadora local de Anova da Coruña expresou a súa “sintonía” co movemento ‘Marea Atlántica’ “entendida esta como “un espazo da cidadanía”, sinala nun comunicado sobre unha iniciativa que busca ser un “espazo de confluencia” que some forzas para crear unha candidatura cidadá de cara ás próximas eleccións municipais.

Nun comunicado, Anova celebra “o chamamento feito por ‘Marea Atlántica’ á participación de todos os veciños da Coruña, sen exclusións e sen privilexios, neste espazo de confluencia cívica”, engade.

Anova convida tamén a toda a cidadanía e ás forzas políticas que reivindican a “ruptura” co actual modelo, así como aos movementos sociais “a participar, de maneira individual, como moitos e moitas dos nosos militantes de Anova xa decidimos”, indica.

Respecto diso, afirma que a “formulación” feita por ‘Marea Atlántica’ “respecto da participación cidadá, mediante procesos asemblearios abertos e soberanos, sen exclusións nin vetos previos”.

Así mesmo, engade que esta proposta “cadra perfectamente no acordado por Anova para o obxectivo de rexeneración democrática da política municipal na Coruña e o avance cara ao dereito a decidir en Galicia”, conclúe.