Viaxe polo patrimonio de Berdoias no luscofusco
Este sábado en Vimianzo propoñen unha viaxe no luscofusco polo patrimonio de Berdoias no que se visitará o seu dolmen (Casota de Freáns), petróglifos do Pedrouzo, igrexa, cruceiro, casa fidalga e demais exemplos de arquitectura tradicional.
Os participantes sairán ás 8 da tarde do castelo, prégase estar uns dez minutos antes. Recoméndase levar LANTERNA e CHALECO. Por suposto, tamén cámara!
Para apuntarse recoméndase escribir con antelación a visitavimianzo@gmail.com. Tamén se pode chamar ao teléfono do castelo 981 716 354. Ou directamente no propio castelo, no punto de información. Chega con apuntar NOME e APELIDOS e TELÉFONO. De todos os xeitos, damos todas as facilidades, podéndose apuntar incluso no mesmo momento da saída do bus. Non hai límite de prazo.
A ruta guiada só custa 3 euros, autobus con desprazamento IDA e VOLTA incluído. Os nenos até 16 anos teñen entrada gratis.