publicidade hoxe

Transfírese a prol do Concello de Cortegada o tramo desde o Alto da Barca ata o enlace coa vía Xinzo de Limia-A Cortegada

PUBLICADO EN: Noticias de GaliciaCortegadaLocal PortadaOurense
A-
A+

O Consello da Xunta aprobou na súa reunión de hoxe o cambio de titularidade dun treito de case un quilómetro da estrada autonómica que vai desde o Alto da Barca ata o entroncamento coa estrada Xinzo de Limia- A Cortegada (OU-531).

A Administración local solicitou á Consellería de Medio Ambiente, Territorio e Infraestruturas o traspaso, na súa totalidade, do treito comprendido entre os puntos quilométricos 1+260 e o 3+750, dado que o treito cedido adquiriu características de tramo urbano. A Axencia Galega de Infraestruturas (AXI), de acordo co informe emitido polos servizos competentes, formulou a proposta favorable á transferencia de titularidade deste tramo que mide unha lonxitude de case 2,5 quilómetros.

Con esta aprobación o Concello de Cortegada deberá asumir todas as actividades de xestión, mantemento, conservación e explotación do trazado a partir da formalización da entrega, que terá lugar no prazo dos dous meses seguintes á publicación no Diario Oficial de Galicia (DOG).

Cómpre destacar que se trata do segundo tramo que no 2014 se transfire a prol do Concello de Cortegada, xa que a principios deste ano o Consello da Xunta tamén aprobaba o cambio de titularidade do resto da estrada OU-402 “Ourense (OU-403)- Cortegada (OU-904)” a prol deste municipio, concretamente do treito entre os puntos quilométricos 41+910 e 42+840 e alcanza unha lonxitude de 930 metros.

Cambio de titularidade de estradas de Galicia

Os cambios de titularidade das estradas están regulados na Lei de estradas de Galicia. De acordo con este artigo os cambios dos nomes das vías deben ser aprobados por un decreto da Xunta de Galicia, por proposta da consellería competente en materia de estradas. A Axencia Galega de Infraestruturas (AXI) é a encargada de avaliar o cambio de titularidade.

Ademais, a Lei de estradas de Galicia alega que as entidades locais dentro das súas competencias aprobarán a relación de estradas da súa titularidade.

24 de xullo de 2014 | 16:35 • Sen comentarios

Comentarios pechados.