Os equipos do Náutico Rodeira logran a 2ª e 3ª praza no V Torneo da Liga Galega

Este domingo volveu disputarse o V Torneo de Liga Galega Absoluta de Kaiak Polo, damas e 3º sub 21 en Caldas  de Reis.
Tras uns primeiros partidos dos nosos participantes que se resolveron con empates (Rodeira C – Copacabana: 1-1; Rodeira B- Umia: 3-3) finalmente os dous equipos do Náutico Rodeira volveron xogar as semifinais tras imporse nos demais. Así o terceiro e cuarto posto resolveuse co Gol de Ouro a favor do Rodeira C contra o Umia, e a final, como vén sendo habitual, enfrontou ao Rodeira B e Copacabana. Finalmente impúxose o Copacabana (2-3) nun rifado partido onde se acusaron as baixas que arrastra o Rodeira desde o pasado fin de semana en Castelló.