Localizan a unha muller inconsciente tras sufrir un accidente de tráfico en Maceda
Unha muller foi localizada inconsciente este venres tras sufrir un accidente de tráfico na estrada de Baldrei, ao seu paso polo municipio ourensano de Maceda.
Segundo explicou o CAE 112 Galicia, o sinistro tivo lugar a sobre as 11,54 horas e a preocupación polo estado de saúde da muller motivou a mobilización do helicóptero medicalizado con base en Ourense.
Ao lugar, ademais do helicóptero acudiron efectivos de Protección Civil de Maceda e Baños de Molgas e da Garda Civil de Tráfico, explicaron as mesmas fontes.