publicidade hoxe

Fomento prevé abrir ao tráfico na tarde do martes o tramo pechado da A-8

PUBLICADO EN: Noticias de GaliciaLugo
A-
A+
Europa Press

O Ministerio de Fomento prevé abrir de novo ao tráfico na tarde do martes o tramo da Autovía do Cantábrico, A-8, entre Abadín e Mondoñedo na provincia de Lugo, pechado despois da colisión múltiple do sábado na que faleceu unha muller e houbo decenas de feridos.

Segundo informaron fontes do departamento, o tramo abrirase previsiblemente na tarde do martes cando conclúan as reparacións que se están realizando no firme da vía, o cal se viu afectado co accidente do sábado.

Por outra banda, ao longo de próximos días iranse instalando diversas medidas de seguridade por parte de Fomento en Mondoñedo e A Xesta como balizas de néboa, sinais de alta reflectancia, paneis de mensaxes e estacións meteorolóxicas adicionais que se sumarán ás medidas existentes, debido “ás condicións adversas, especialmente néboa e vento” da zona.

DECLARACIÓN INSTITUCIONAL DA DEPUTACIÓN DE LUGO

Noutra orde de cousas, o presidente da Deputación de Lugo, José Ramón Gómez Besteiro, propuxo aprobar no pleno do martes, 29 de xullo, unha proposición institucional para instar o Goberno central a que esixa ao Ministerio de Fomento a adoptar medidas técnicas para garantir a seguridade viaria no tramo da A-8 entre Abadín e Mondoñedo, debido a “os numerosos sinistros” producidos pola néboa e o vento.

No mesmo texto proponse que a Deputación exprese o pésame á familia da vítima mortal no sinistro, así como o seu apoio a todos os feridos.

28 de xullo de 2014 | 20:04 • Sen comentarios

Comentarios pechados.