Despedida do “capi” David Ruiz do Santiago Futsal

Entrega do agasallo de despedida ao “capi”

Este mediodía tivo lugar no Bar Rakel un acto conmemorativo de despedida a David Ruiz, xogador do Santiago Futsal durante seis tempadas, e que agora se despide do club e da cidade compostelá para afrontar novos retos como xogador.

David, quen portou o brazalete de capitán as tres últimas tempadas, mostrouse moi emocionado ao recibir un presente de mans do presidente do club D. Ramón García.

Un David moi emotivo, dirixiuse aos medios para agradecer o apoio da afección “unha afección fiel e familiar” e desexarlle sorte o Santiago Futsal, con quen sempre mostrou un sincero compromiso.

Desde o Santiago Futsal queren agradecer ao “capi” o seu compromiso e a profesionalidade que en todo momento demostrou, tanto nos adestramentos como nos partidos disputados co Santiago Futsal.

Deséxanlle toda a sorte, tanto a nivel persoal como profesional, nesta nova etapa que comeza e que esperamos sexa todo o grata que se merece.