A carpa Xplora Xuventude chega a Ourense para divulgar os programas e recursos para a mocidade

Hoxe, xoves, 17 de xullo, de 11:00 a 13:00 horas, chega á cidade de Ourense a Carpa Xplora Xuventude, da Consellería de Traballo e Benestar Social, que poderá ser visitada na rúa do Paseo, fronte ao Banco de España, de 11:00 a 13:00 horas.

A Carpa Xplora Xuventude achégase hoxe a Ourense, coa colaboración da Concellería de Xuventude do Concello co fin de que mozos e mozas poidan coñecer os recursos e programas dirixidos a eles que se ofertan dende a Xunta de Galicia e dende o Concello de Ourense, e para facilitarlles asesoramento por parte de técnicos especializados da Consellería de Traballo e Benestar Social e da Concellería de Xuventude.

A campaña desenvólvese por toda Galicia entre os meses de xuño, xullo, agosto e setembro. Durante estes meses, os técnicos da Rede Galega de dinamización xuvenil percorrerán 110 localidades da xeografía galega.

Cabe destar que ademais de información de interese, esta carpas pretende ofrecer un espazo aos grupos de mozos e mozas e entidades xuvenís no que poidan amosar as actividades e propostas que levan a cabo, servindo como escaparate do talento xuvenil.