A actividade do primeiro semestre no Hospital do Salnés revélao coma un dos mellores centros sanitarios públicos de Galicia

A actividade global do primeiro semestre deste ano noHospital do Salnés o revela coma un dos mellores centros sanitarios públicos de Galicia na xestión dos obxectivos asistenciais da Administración Sanitaria autonómica, segundo revelan os novos datos de actividade feitos públicos polo Servizo Galego de Saúde.

Así, ao longo do primeiro semestre do presente ano 2014, ademora media de atención a pacientes con prioridade 1 en lista de espera cirúrxica do hospital arousán descendeu dos 9,2 días entre xaneiro e xuño do pasado ano 2013 aos actuais 7,2 días, garantindo o compromiso da Consellería de Sanidade de atender aos pacientes máis graves -con patoloxías de Prioridade 1– en menos de 30 días

Menos pacientes en menos lista de espera cirúrxica

Así mesmo, durante o semestre pasado, un total de 110 pacientes do centro sanitario de Ande-Rubiáns abandoaron as súas listas de espera cirúrxicas, diminuíndo deste xeito a cifra destes usuarios da Sanidade Pública galega, que pasa dos 522 aos actuais 412, cunha demora media que tamén descende notáblemente de 36,4 aos actuais 28,1 días.

O número de consultas externas atendidas no Hospital do Salnés no primeiro semestre deste ano acadou as 45.506, manténdose a súa demora media en primeiras consultas nos 23 días, cifra similar a existente no primeiro semestre do pasado ano 2013.

O centro sanitario de Ande-Rubiáns atendeu ata o 30 de xuño do presente ano un total de 17.856 Urxencias, cunha media de 98 asistencias deste tipo ao día satisfactoriamente atendidas. Un 12% desta actividade urxente requeriu posterior ingreso hospitalario.

Ditas Urxencias deste ano están prácticamente na mesma cifra de actividade asistencial con respecto ao mesmo período de 2013, cando no primeiro semestre do pasado ano se atenderon 17.854 Urxencias, cunha media de 98 asistencias deste tipo ao día.

Máis intervencións ambulatorias e rendemento cirúrxico

Os novos datos de actividade do SERGAS tamén revelan que no primeiro semestre de 2014 realizáronse un total de 2.605 intervencións cirúrxicas -24 operacións máis que no mesmo período de 2013-.

Dese total, 1.931 foron intervencións ambulatorias -sen necesidade de ingreso-. É dicir, son 3 de cada 4 operacións efectuadas no Hospital do Salnés -un 74%-, coas conseguintes vantaxes asistenciais e loxísticas tanto para os pacientes coma para a dispoñiblidade de camas.

Así mesmo, o centro sanitario de Ande-Rubiáns diminuiu entre xaneiro e xuño de 2013 o seu número de ingresos hospitalarios, acadando os 2.420 -por 2.532 atendidos no mesmo período en 2013- á vez que mantivo a estadía media dos pacientes nos 5 días.

No que atinxe ao rendemento dos quirófanos do Hospital do Salnés, éste se incrementou en máis de tres puntos porcentuais, pasando dun 75,94% entre xaneiro e xuño do pasado ano ao actual 78,79%, cifra de rendemento das máis altas entre os hospitais públicos de Galicia.

O Hospital do Salnés consolida, deste xeito, os plantexamentos asistenciais contemplados na Estratexia Sergas 2014, centrados no paciente como centro do sistema sanitario público, recoñecendo e potenciando o valor dos seus profesionais, o papel da innovación e da ciencia, e, ademais, comprometiendo á Administración Sanitaria galega co desenvolvemento económico e social.