publicidade hoxe
Publicidade
omeulibro1

Oito xóvenes de Val do Dubra, A Baña, Negreira e Santa Comba participan en Portugal no proxecto Youth Participation-Active Citizenship da UE

Os oito participantes na visita ao Concello de Val do Dubra

Os oito participantes na visita ao Concello de Val do Dubra

Oito xóvenes de Val do Dubra, A Baña, Santa Comba e Negreira participarán do 21 ao 26 de xuño en Avintes e Vila Nova da Gaia (Portugal) no proxecto Youth Participation-Active Citizenship, financiado pola Unión Europea dentro do Programa Mocidade en Acción. Trátase dunha campaña sobre a Democracia Participativa para os mozos de Europa.

Os mozos residentes nos catro concellos e con idades comprendidas entre os 18 e os 30 anos partirán nos próximos días cara a Portugal. No intercambio xuvenil impulsado polo Concello de Val do Dubra tamén participa a Asociación Xuvenil Santiago DC. Ao encontro acudirán 40 mozos de cinco países e vinculados aos dous municipios portugueses, á Asociación Onda Verde, ao municipio húngaro de Szurdokpuspoki, á Foundation Eletesely Alapitvany, ao concello italiano de Male e á Associazione Vololibero.

Os oito xóvenes galegos seleccionados acudiron ao Concello de Val do Dubra e recibiron os consellos do alcalde da localidade, Ramón Varela, e dos técnicos do Concello. A campaña Democracia Participativa pretende facilitar o coñecemento doutras realidades socioculturais e lingüísticas para a comprensión da diversidade cultural e favorecer e potenciar a adquisición de habilidades e competencias non formais que faciliten o desenvolvemento persoal.

18 de xuño de 2014 | 19:01 • Sen comentarios

Comentarios pechados.