Localizan un cadáver no Barco que podería corresponder ao home desaparecido o 29 de maio

A Garda Civil localizou un cadáver mergullado a 200 metros, que podería corresponderse co home veciño do Barco (Ourense) que permanecía desaparecido tras saír a pescar o 29 de maio.

Segundo os datos facilitados polo Instituto Armado, sobre o mediodía foi localizado un corpo mergullado a uns 200 metros en Praia de Ouro, no Barco, que podería tratarse do pescador desaparecido.

En concreto, segundo sinalaron fontes do 112 Galicia, o corpo foi achado na auga a uns 500 metros de onde se localizou o coche do veciño do Barco desaparecido.

O vehículo do sexaxenario desaparecido fora localizado o pasado venres 30, un Opel Astra negro, á beira do dique do Barco de Valdeorras.

O desaparecido é José Manuel González Rodríguez, de 60 anos de idade, que saíu do seu domicilio ás 6,30 horas do xoves día 29 de maio. Ás 2,30 do venres 30 a súa compañeira sentimental presentou denuncia na Garda Civil.