Culleredo esixe a inmediata licitación da construción do novo IES

O Concello de Culleredo recibiu onte por fin noticias da Xunta de Galicia achega do futuro instituto de Educación Secundaria. A Consellería de Educación remitiu o proxecto básico de construción e solicita a licenza municipal para a construción da dependencia, que se emprazará en Acea de Ama, en terreos da Universidade Laboral. Ao entregar o proxecto definitivo, o goberno municipal entende que entón a Xunta finalizou a supervisión por fin, fase na que explicou que se atopaba o procedemento na reunión celebrada co alcalde, Julio Sancristán, e con representantes da ANPA, o pasado 10 de abril. Educación alegou aquel día que a demora na licitación debíase a que se detectaron erros no proxecto, que xa foran emendadas pola empresa redactora, abríndose unha nova fase de supervisión do proxecto, tras a que se licitaría a obra. O Concello por tanto espera que a licitación se publique “de inmediato” para “acelerar ao máximo” os prazos e tentar que a dependencia estea lista para abrir co curso 15-16. En canto á solicitude de licenza para a construción, o arquitecto municipal xa traballaba na mañá de hoxe no informe preceptivo, que estará listo de inmediato. O equipo de goberno pide á Xunta que o proceso siga agora toda a celeridade posible para solucionar a situación de saturación do IES Branco Amor, que en 2015