publicidade hoxe
Publicidade
omeulibro1

Rescatan unha octoxenaria que se precipitou por un barranco en Folgoso do Courel

PUBLICADO EN: Noticias de GaliciaFolgoso do CourelPortada dereitaSucesos
A-
A+
Europa Press

Unha octoxenaria foi rescatada este luns tras precipitarse por un barranco duns 150 metros tras saír a dar un paseo no municipio de Folgoso do Courel (Lugo).

Segundo informou o 112, o fillo da muller chamou ás 2,54 horas deste luns ao servizo de emerxencias para pedir axuda e indicou que a súa nai saíra de casa para dar un paseo e non volvera.

Tras recibir a alerta, o Centro de Atención ás Emerxencias puxo en marcha un dispositivo no que participaron efectivos do GES de Quiroga, Urxencias Sanitarias, Guardia Civil e Protección Civil de Folgoso do Courel.

Foron efectivos do GES de Quiroga os que localizaron na madrugada deste luns á muller de avanzada idade que se precipitara por un barranco duns 150 metros no lugar do Carbedo, na parroquia de Esperante, en Folgoso do Courel.

Segundo relataron, unha vez localizada, e coa axuda de cordas e unha padiola, puideron rescatar a muller, que se atopaba consciente, pero ferida.

O 061 desprazou ao lugar unha ambulancia asistencial que levou á muller, de 86 anos de idade, ao Hospital de Monforte, segundo confirmaron fontes sanitarias.

19 de maio de 2014 | 10:47 • Sen comentarios

Comentarios pechados.