Un operativo busca a unha anciá desaparecida en Cualedro (Ourense)
Un operativo de emerxencias formado por persoal da Garda Civil e de Protección Civil trata de localizar a unha anciá veciña de Cualedro (Ourense) que permanece desaparecida desde o martes, tras saír a pasear.
Foron os familiares da muller os que presentaron unha denuncia pola súa desaparición na tarde do martes. A muller, Esperanza Fernández, de 76 anos e que padece Alzheimer, saíra a pasear á primeira hora da mañá da súa casa de Cualedro.
Varios veciños deron onte informacións ao operativo, sinalando habela visto en distintos pobos da zona. A última pista que se ten da muller sitúaa na zona de Pardieiros, en Trasmirás (Ourense).
Ademais do operativo de procura, que permanece activo, os veciños colocaron numerosos carteis pola zona e difundido a imaxe da muller a través das redes sociais, por si isto servise para localizala.