Os viños de Monterrei abren novas liñas de negocio en Alimentaria

O Consello Regulador da Denominación de Orixe Monterrei e as adegas Abeledos, Boo Rivero, Crego e Monaguillo e Gargalo, finalizan hoxe a súa participación na feira Alimentaria.

No seu catro xornadas, Alimentaria converteuse en centro de negocios das adegas co sector profesional, promovendo así a comercialización dos seus produtos nos principais mercados. No que respecta ao mercado nacional, Monterrei aspira a incrementar a súa presenza en obxectivos comúns como Barcelona, Madrid, a zona norte peninsular e o Levante, así como elevar a súa cota de exportación, unha cifra que actualmente supón o 12% do viño comercializado baixo o amparo da Denominación de Orixe, pero que ano a ano adquire un maior valor respecto ao volume total de vendas.

A Denominación de Orixe Monterrei que, por primeira vez, acode con caseta propia a Alimentaria, valora positivamente a súa participación nesta cita, expondo futuras representacións, baixo o mesmo formato, noutros certames de referencia para o sector vitícola. Subxace ademais, un propósito de reforzo da imaxe de marca de Monterrei,  un dos puntos crave na estratexia promocional da denominación para 2014.

Continúa así esta fase de crecemento para o D.O. Monterrei, reflectido na comparativa do rexistro de contraetiquetas emitidas polo Consello Regulador no primeiro trimestre de 2014 fronte ao exercicio 2013, no que supón un incremento de o  25,4% Así, de xaneiro a marzo de 2014, Monterrei alcanzou as 539.898 botellas comercializadas, continuando na tendencia evolutiva que Monterrei reforza grazas a este tipo de accións dirixidas aos axentes de mercado.