Falece un home de 54 anos nun accidente de tráfico en Vilalba

Un home de 54 anos, A.G.G., faleceu na madrugada deste domingo nun accidente de tráfico que tivo lugar na localidade de Vilalba (Lugo), que tamén deixou ferido a un mozo de 19 anos, M.H.F.

   Diso informou este domingo Urxencias Sanitarias de Galicia, que recibiu a alerta ás 00.16 horas do domingo, e apuntou que o home faleceu no lugar do accidente, mentres que o mozo ferido foi trasladado ao Hospital Lucus Augusti.

   Segundo sinalaron fontes dos bombeiros de Vilalba, o accidente tivo lugar á altura do quilómetro 9 da LU-120, nun choque entre dous vehículos, no que se viron envolvidos outros dous automóbiles por alcance. Así mesmo, foi necesario excarcerar tanto ao home falecido como ao mozo.

   Ata o lugar do accidente desprazouse unha ambulancia asistencial, outra medicalizada, así como persoal sanitario da PAC de Vilalba, segundo indica o 061.