AFAL impartirá en Pontedeume a charla “Alzheimer ou esquecemento, como diferencialo?”

“Alzheimer ou esquecemento, como diferencialo?” é o título da charla informativa ao redor da enfermidade que este mércores, 2 de abril, terá lugar no local da Asociación de Amas de Casa de Pontedeume (Virtudes, 175º) a partir das 17,30 horas. Con entrada libre e gratuíta, está organizada por AFAL Ferrolterra en colaboración coa entidade e será impartida polo pedagogo e voluntario colaborador Jesús Vitoria. A través da mesma tentará dar resposta a tres preguntas clave: Que é o Alzhéimer?, Como detectalo? e Como abordar a situación? Tras a charla, abrirase un coloquio para que o público presente poida expor as súas inquietudes ou dúbidas en torno ao Alzheimer.

Desde o pasado mes de xullo AFAL ofrece ás asociacións da súa área de influencia a posibilidade de acoller charlas informativas nos seus respectivos locais sociais ao redor da enfermidade do Alzhéimer. O obxectivo non é outro que sensibilizar á sociedade en xeral respecto desta doenza. Así, as asociacións que estean interesadas en albergar esta conferencia tan só deben dirixirse a AFAL Ferrolterra. Para iso, teñen á súa disposición o correo electrónico afalferrolterra@afalferrolterra.com, o teléfono 981 37 06 92 ou ben poden solicitalo nas propias instalacións da entidade, situadas na rúa Río Castro, 4345, baixo Ferrol.