O miradoiro de Santiorxo, en Sober, formarán parte do novo spot publicitario de Turgalicia
O alcalde de Sober, Luis Fernández Guitián, acompañou hoxe ao equipo audiovisual que se atopa na localidade para gravar parte do novo spot publicitario para a futura campaña de promoción da Comunidade que está a elaborar Turgalicia. O rexedor agradécelle ao organismo público ter elixido emprazamentos da localidade para axudar na súa difusión a nivel mundial.
En concreto, tomaron imaxes do renovado miradoiro de Santiorxo, en pleno Canón do Sil, para convertelo nun dos reclamos publicitarios de turismo de Galicia que será dado a coñecer internacionalmente. O equipo de gravación estivo durante toda a mañá no miradoiro, un dos nove cos que conta o Concello de Sober.
Fernández Guitián destaca “a importancia” de que o municipio vaia formar parte do anuncio e de todo o material promocional que elabore e distribúa Turgalicia, posto que, segundo remarca, “será o mellor altofalante de todo o que Sober e a Ribeira Sacra teñen para ensinarlle ao mundo enteiro”.