Belén do Campo analiza co rexedor de Moeche as necesidades do municipio

Belén do Campo na reunión co alcalde de Moeche

A delegada territorial da Xunta na Coruña, Belén do Campo, mantivo esta mañá unha xuntanza co alcalde de Moeche, Xulio Cribeiro. Trátase do primeiro encontro institucional entre a representante autonómica e o local desde que o rexedor tomase posesión do seu cargo hai varias semanas. No transcurso da reunión, Do Campo e Cribeiro analizaron as necesidades do municipio, así como a marcha daqueles proxectos que está a desenvolver o Goberno galego no concello.