As Pontes de García Rodríguez, O Carballiño e Silleda, `Cidades Amigas´ ante o FIATC Joventut

Os veciños dos municipios das Pontes de García Rodríguez (A Coruña), O Carballiño (Ourense) e Silleda (Pontevedra), poderán adquirir entradas a 9 euros para ver o Rio Natura Monbus ante o FIATC Joventut, o sábado 22 de febreiro, ás 20.00 horas, no Fontes do Sar.  

Este proxecto, que comezou o pasado mes de novembro, involucra a todas as localidades galegas no desenvolvemento, fomento e popularización do baloncesto. Para iso, terán a oportunidade de gozar do baloncesto de elite por tan só 9 euros.

Para acollerse a esta promoción deberán presentar o seu carné de identidade ou calquera outro documento oficial que verifique a súa residencia en devanditas localidades á hora de adquirir a entrada.

As entradas xa se poden comprar en venda anticipada nas oficinas do club, de luns a venres e de 10.00 a 14.00 h e na tenda oficial “Miudiño Store” na área Central (local Blusens), de mércores a sábado de 17.00 a 22.00 h, ou en despacho de billetes o mesmo día do partido.

O prezo das entradas para este partido que non será retransmitido por ningunha televisión, é de 35 euros para as Tribunas Retráctil, 29 euros as Tribunas 1, 25 euros as Tribunas 2 e 19 euros Fondos.

No entanto, o club ofrece prezos reducidos para abonados e accionistas, menores de 18 anos, estudantes menores de 26 anos, parados de longa duración, maiores de 65 anos, e entradas adquiridas os xoves laborables de 25 euros en Tribunas 1, 19 euros en Tribunas 2 e 15 euros Fondos.

Así mesmo lembramos que o club ten á venda os abonos para a segunda volta con grandes vantaxes. Os prezos oscilan entre os 140 e 350 euros para o público en xeral, e entre 105 e 265 euros o reducido. Ambos inclúen comodidade na reserva de asento, 5% de desconto en produtos da Tenda Oficial do Club “Miudiño Store”, descontos na compra de entradas, inscrición preferente para a tempada 2014-15 e ofertas do Club de Empresas Obradoiro.