publicidade hoxe
Publicidade
omeulibro1

Os barcos volven entrar no porto de Laxe tras 24 horas

PUBLICADO EN: Noticias de GaliciaLaxeLocal Portada
A-
A+
E.P.

O porto da localidade coruñesa de Laxe volve retomar “a normalidade” tras o forte temporal que lle afectou este luns e que provocou o afundimento dun barco de dez metros de eslora, ademais de obrigar aos donos doutra decena de embarcacións a soltar amarras para evitar que seguisen o mesmo camiño.

“Unhas 25 persoas xogáronse a vida durante 24 horas para salvar os seus barcos e as súas empresas. Soltaron amarras á primeira hora da mañá cando outra embarcación foise ao fondo”, subliñou o secretario da Confraría de Pescadores de Laxe, Antonio Devesa.

Tras unha xornada na que o temporal afectou a praias e portos de varias localidades da Costa da Morte, o portavoz da Confraría explicou a Europa Press que os seus propietarios volveron “a meter” os barcos no porto, que tenta recuperar “a normalidade” tras os “terribles momentos” vividos nas últimas horas.

Despois de reunirse con membros da Xunta, entre eles o secretario xeral de Mar, Juan Maneiro, “en presenza” do alcalde da localidade, Antón Carracedo, Devesa manifestou a súa indignación polo ocorrido na pasada xornada e sinalou que a “postura” da Confraría é esixir “solucións inmediatas”.

“Dixémoslles que pasaron os tempos dos estudos”, sinalou, para engadir que este luns se sumaron dous factores con graves consecuencias que poderían ser peores tendo en conta que “unhas 25 persoas xogáronse a vida: “un temporal dos máis grandes que se pode lembrar” e o “fatal, precario e lamentable” estado do porto.

“INADMISIBLE”

“Isto é inadmisible en pleno século XXI; non pode ser que a solución sexa que os barcos se teñan que ir a outros portos cada vez que hai un temporal ou que se poñan en perigo as vidas dos mariñeiros”, sinalou o portavoz da Confraría, quen subliñou que en Laxe se vive da pesca de baixura e dos barcos”.

Nesta conxuntura, remarcou que as “prioridades” agora son avaliar os danos e “tentar axudar” ao propietario do barco afundido, pero o seguinte será demandar “que se actúe xa”. “A Confraría de Pescadores de Laxe quere solucións inmediatas”, resolveu.

7 de xaneiro de 2014 | 16:35 • Sen comentarios

Comentarios pechados.