Oito adegas da D.O. Monterrei participan na campaña Casco Vello D.O.rigen en 20 locais hostaleiros de Bilbao

A Zona Antiga da cidade de Bilbao acolle, dende hoxe e ata o próximo 15 de decembro, a campaña Casco Vello D.O.rigen, unha acción promocional na que participan as denominacións de orixe Monterrei, Cariñena e Ribeira do Douro.

Esta iniciativa, na que colabora a Asociación Casco Vello de Bilbao, pretende reforzar a afluencia de público ao centro histórico da cidade, cunha proposta na que participan ao redor de 50 establecementos hostaleiros organizados en 3 rutas diferenciadas, unha por denominación de orixe.

A Ruta do Viño Monterrei, a máis extensa, integra un total de 20 tabernas e bares de viños que durante a próxima quincena ofrecerán maridaxes das tradicionais tapas bilbaínas con viños de Monterrei, todo iso a prezos promocionais.

A representación de Monterrei nesta ocasión estará integrada por oito adegas da denominación de orixe que presentan en campaña oito marcas, todas elas de viño branco Monterrei. Participan como adegas colaboradoras: Abeledos, Adega Tabú, Boo Rivero, Crego e Acólito, Gargalo, Pazo dás Valos, Quinta do Buble e Terras do Cigarrón.

Con esta iniciativa o Consello Regulador pretende fortalecer a presenza dos seus viños no principal núcleo de influencia do País Vasco, e dar resposta a unha demanda latente polos viños brancos de Monterrei. Para iso elixiu un excelente escaparate e, apoiándose na hostalaría bilbaína como prescriptora, a Denominación intentará abrirse paso nun mercado que podería chegar a ser relevante na súa cota de comercialización.