A Denominación de Orixe Monterrei asina un convenio para garantir condicións vantaxosas ás adegas

Reunión na que se fixou o convenio

O convenio afectará ás relacións existentes entre a Denominación de Orixe Monterrei, adegas e viticultores inscritos, con Novagalicia Banco, sendo o seu ámbito de actuación Galicia, Asturias e León, e a súa vixencia dun ano.

Deste modo, as adegas e viticultores que xustifiquen a súa pertenza á Denominación de Orixe Monterrei beneficiaranse de ofertas vantaxosas na contratación de produtos financeiros como pólizas de crédito, préstamos persoais e hipotecarios, leasing mobiliario, avais, liñas de desconto comercial e servizos de banca electrónica, e poderán recibir un asesoramento especializado sobre as pólizas de seguros que mellor se adapten ás súas necesidades específicas.

En palabras de Víctor Miguel Escarís, director de zona de Novagalicia Banco para o sur de Ourense “Este convenio é mostra do apoio de Novagalicia Banco aos sectores produtivos galegos e de Ourense en particular, dentro dos cales o da viticultura ocupa un lugar destacado por calidade e potencial”.