Propostas culturais do Concello de Chantada para o 9 de agosto
O departamento de turismo do Concello de Chantada organiza a conferencia “Chantada na Historia de Galicia”, por Ramón Villares, presidente do Consello da Cultura Galega. A charla estará presentada por Julia Varela, catedrática de Socioloxía, no Círculo Recreativo Cultural de Chantada o venres 9 de agosto ás 20.30 h.
Por outra banda, o 9 de agosto o Concello vivirá “Unha noite no Muíño” ás 21.00 h. no Muíño da Alameda coa actuación dos Gaiteiros do Balado Toques, Os Frades do Convento e Cantares do Asma.