publicidade hoxe

Aprobouse o financiamento destinado ás asociacións e organizacións de produtores para promover o asociacionismo

PUBLICADO EN: Noticias de GaliciaA Illa de ArousaLocal
A-
A+

A xuntanza da mesa da ‘Caixa de Financiamento Local de A Illa de Arousa’ vén de resolver a segunda convocatoria de proxectos presentados para co financiamento por parte da mesma a través de préstamos achegados por fondos municipais.

Por unanimidade ditaminouse favorablemente o reparto dos 60.000 euros que ficaban pendentes de adxudicación, entre as distintas asociacións e organizacións de produtores con sede en A Illa de Arousa, dando así cumprimento á totalizade da partida orzamentaria, que constaba de 125.000 euros (na primeira das convocatorias xa se decidira o destino dos préstamos por valor de 65.000 euros).

O obxectivo desta iniciativa é dotar de financiamento ás asociacións e organizacións de produtores con sede no termo municipal, e favorecer e promover o asociacionismo. A Illa de Arousa cre que na unión está a forza, e aposta polas entidades cidadás para que os fondos públicos de promoción económica podan beneficiar a máis cidadáns.

Esta iniciativa, que moitos teñen definen como “a primeira caixa municipal”, pioneira na comarca e en Galicia no século XXI,  ten espertado un importante interese fóra das fronteiras galegas, e estúdase arestora a súa implantación noutros territorios.

21 de agosto de 2013 | 18:14 • Sen comentarios

Comentarios pechados.