Os minipuntos limpos do consorcio As Mariñas recolleron 348.000 pilas e 43.500 cd En 2012

A utilización dos chamados minipuntos limpos que o Consorcio As Mariñas ten instalados nos nove municipios da área metropolitana alcanzou valores sobresalientes durante o pasado ano. Os veciños animáronse a empregar este sistema para propiciar a recollida e separación destes pequenos residuos.

En total, en 2012, os residentes no Consorcio As Mariña depositaron 11,1 toneladas de residuos, correspondente a case medio millón dos elementos que acepta un minipunto limpo, en concreto 492.880 unidades.

Os elemento máis depositados nos minipuntos foron as pilas ou baterías de móbil, con 348.340 unidades, seguido dos CD ou DVD, con 43.500. O número de móbiles recollidos foi de 5.269 e o de bombillas, 27.132.

Por Concellos, o de Sada liderou a cantidade de residuos recibidos, con 1.094 kg, seguido de Culleredo, con 992,2 kg e Oleiros, con 931,5. Este grande uso propiciou que o Consorcio instalara este ano un novo minupunto en cada un destes municipios nos seguintes lugares:

· Oleiros: en Perillo, no entorno do mercado

· Sada: na zona chamada a Laguna, fronte a Eroski

· Culleredo: en Vilaboa, na praza da Sagrada Familia

O Consorcio resalta o “uso estendido” do servizo de minipuntos limpos na comarca. Con eles “estase contribuíndo a reducir o impacto no medio ambiente de residuos tan contaminantes como pilas ou cartuchos de tinta”.

Os minipuntos limpos funcionan desde 2009 na área metropolitana. O Consorcio anima aos veciños a continuar aproveitando o seu uso para
colaborar no proceso de separación selectiva que tanto evita a contaminación.