Axudas á escolaridade para o curso 2013-2014 en Dodro

A Concellería de servizos sociais e igualdade de Dodro convoca Axudas á escolaridade para o curso 2013-2014.

Estas axudas están destinadas a menores escolarizados/as nos cursos de educación infantil, primaria e secundaria obligatoria (ESO) e post-obrigatoria que residan e estean empadroados/as no concello.

Establécese un límite económico da unidade familiar e como conceptos subvencionables estan os alimentos infantís e comedor escolar, material escolar e actividades extraescolares.

Os interesados deberán solicitar as axudas dentro do prazo establecido:  do 22 de xullo ao 9 de agosto (ambos inclusive) no departamento de servizos sociais do concello.

As bases das axudas, que foron aprobadas en Xunta de Goberno Local o 10 de xullo de 2013,  poden consultarse na páxina web do concello:  http://www.concellodedodro.org/informacion-de-interese3

Por outra banda, a Concellería de cultura, voluntariado e asociacionismo coa colaboración da de servizos sociais e igualdade, poñen en marcha unha Campaña de recollida de Material Escolar e Libros de Texto. Estes materiais deben estar en bo estado de uso e limpo.

Con esta campaña solidaria preténdese suplir as carencias dos sectores máis desfavorecidos.

Dito material poderá ser de todo tipo sempre que estea en bo estado e a recollida realizarase na Casa da Cultura do concello entre o 22 de xullo e o 20 de agosto.

A Campaña consta de dúas fases:

 Unha primeira de recollida  de material e libros de texto , para que todas aquelas persoas que o desexen poidan colaborar dun xeito altruísta coa comunidade que os rodea.

Unha segunda fase na que unha vez claseficado o material, entregaráselle en préstamo ás familias beneficiarias do Concello de Dodro. As familias serán directamente seleccionadas polos técnicos do departamento de Servizos Sociais do concello.

O prazo de distribución do material está previsto entre o 26 de agosto e o 6 de setembro para que as familias dispoñan del o día 11 de setembro en que comezan as clases.