publicidade hoxe
Publicidade
omeulibro1

O DOG publica a orde de aprobación definitiva do PXOM de Xunqueira de Espadanedo

PUBLICADO EN: Noticias de GaliciaGaliciaLocalXunqueira de Espadanedo
A-
A+

O Diario Oficial de Galicia publica hoxe a orden de aprobación definitiva do Plan Xeral de Ordenación Municipal (PXOM) do concello de Xunqueira de Espadanedo, na provincia de Ourense. O conselleiro de Medio Ambiente, Territorio e Infraestruturas, Agustín Hernández, anunciaba a mediados de abril a aprobación da orde, un paso que culminaba as tarefas de redacción e converte a este concello no sétimo en contar cun planeamento aprobado no que vai de lexislatura.

Agora, o Concello debe publicar no Boletín Oficial da Provincia este documento para que entre en vigor aos 20 días seguintes.

Trátase dun planeamento proteccionista, que establece que máis do 94% da súa superficie estea protexida ben a través de protección especial ou ordinaria, o que conleva preservar os valores naturais, ecolóxicos e as áreas de interese, definindo as necesarias proteccións específicas para cada unha delas.

Así mesmo, un 4,32% da superficie queda definida como solo de núcleo rural, o que implica ordenar e recoñecer os asentamentos tradicionais. Poténciase Espadanedo como núcleo rural capital e o desenvolvemento dos restantes 12 núcleos rurais (vivenda de baixa densidade), propiciando a ubicación das novas vivendas nestes núcleos para colmatalos. É un modelo de planeamento que desiste de novos asentamentos e aposta polos núcleos tradicionais existentes.

Para rematar un1,05% da superficie é de solo urbanizable, cunha previsión de futuro para o desenvolvemento produtivo e industrial. Cabe ter en conta as boas comunicacións coa comarca e a vocación da cerámica no concello.

SOLO

SUPERFICIE

%

TOTAL CONCELLO

27,75 km2

100%

SOLO RÚSTICO

26,26 km2

94,63 %

Especial protección

25,89 km2

93,30 %

Protección ordinaria

0,37 km2

1,33 %

SOLO DE NÚCLEO RURAL

1,20 km2

4,32 %

SOLO URBANIZABLE

Urbanizable non delimitado

0,29 km2

1,05 %

Este planeamento urbanístico, que rexerá o deseño de Xunqueira de Espadanedo durante a vindeira década, prevé 332 novas vivendas nos 13 núcleos rurais repartidos en catro parroquias. O plan recolle 29.025 metros cadrados para espazos libres e zonas verdes e máis de 15.000 para equipamento comunitario, unha cifra superior ao esixido pola lei, concretamente un 65,66% máis.

Ademais, haberá un ámbito de solo urbanizable non delimitado de tipo industrial (SUND-I.1) de 290.000 m2, que recolle empresas xa existentes e atópase na confluencia de tres parroquias: Niñodaguia, Ramil e Xunqueira.

A Xunta aportou ao concello preto de 85.000 euros en axudas para redactar o seu planeamento. Ata o momento, este municipio rexíase por Normas Subsidarias de Planeamento do ano 1991. O Concello conta cunha superficie de 27,75 km2e unha poboación de case 900 habitantes.

2 de maio de 2013 | 16:36 • Sen comentarios

Comentarios pechados.