Xornadas do Grupo de Desenvolvemento Rural (GDR) en Paderne
O pasado mércores 24 de Abril, a partir das 10.00 horas, celebrouse no Concello de Paderne a xornada “Unha aposta polo emprendemento no sector agroalimentario e os productos locais”, na que se presentaron iniciativas emprendedoras no territorio.
A mesma, finalizou coa entrega de certificacións da formación de manipulador de alimentos ós participantes do Programa Integrado para o Emprego Rural-Emprega por parte de César Longo Queijo, Alcalde do Concello de Paderne e Vicepresidente da Asociación de Desenvolvemento Rural “Mariñas-Betanzos”.
Como remate, os participantes puideron participar dun almorzo ecolóxico elaborado por emprendedores da zona.