Curso de curriculum e cartas de presentación en Camariñas

Participantes na primeira edición

O Concello de Camariñas, entidade colaboradora do SPEG (Servizo Público de Emprego de Galicia), servizo da Xunta de Galicia cofinanciado polo Fondo Social Europeo, realizará o vindeiro 20 de marzo outra edición do curso sobre curriculum e cartas de presentación dado que o número de persoas demandantes deste curso o pasado 27 de febreiro superou a oferta de prazas quedando algunhas persoas en lista de agarda.

Nesta xornada veranse os distintos tipos de c.v. así como os seus apartados, cartas de presentación e a súa estrutura. As persoas asistentes poderán elaborar o seu c.v. así como modelos de cartas na aula informática do concello.

Data: 20 de marzo

Horario: 10:00 – 13:30

Lugar: Aula de informática do Centro de Iniciativas empresariais (pegado ó Centro de Saúde)

Para poder participar no curso é obrigatorio inscribirse con anterioridade ca orientadora laboral de luns a venres de 8:00 a 15:00, presencialmente na Casa de Pedra ou nos teléfonos 981737004 – 653260746 ou a través dum email a mseijas.desenvolvemento@camarinas.net .